Arre, burro, arre..

O despropósito do PP para a Praza de España. 

Unha obra que sen empezar xa regalou do noso diñeiro público 56.000 euros de licitación. Este proxecto  xa sufriu variacións no seu custo ante de empezar, dos 725.000 euros fixados inicialmente, pasouse a 916.000 euros, agora o PP para anunciar nos medios esta dilapidación do noso diñeiro público, anúnciao nos medios de comunicación dicindo que a obra ten unha rebaixa de máis de 100.000 euros con respecto á contía fixada no prego de condicións, esta queda adxudicada en 812.000 euros. 

Finalmente a obra foi adxudicada a favor de ás empresas Extraco S.A. e Prace Servicios e Obras S.A, que concorreron conxuntamente ao concurso. 

Descoñece o DESgoberno de Ferrol que ese "Pulmón Verde" xa existe??.  Pois así é, e o teñen abandonado, trátase do terreo do Montón de Caranza, de 28.000 m2, nesta esta zona verde municipal realizouse un estudo, que demostrou que contén máis dun millar de árbores de 58 especies diferentes, algúns son exemplares realmente valiosos, como un Buxo de catro metros de alto que, polo seu tamaño, é o cuarto en importancia dos que hai nos parques públicos, un cedro do Atlas, ou a concentración de 103 loureiros, dos cales destaca un por ser "extremadamente grande". O que o converte a esta zona de Ferrol nun auténtico parque botánico. 

Esta información sae recollida na propia Web do Concello: http://www.ferrol.es/ampliar.aspx?id=31893 

Actualmente nesa zona amontóanse toneladas de residuos, repartidos en catro vertedoiros ilegais permanentes, ante a total pasividade do actual goberno local.

Non se entende cos partidos na oposición pidan contas sobre este proxecto, sobre todo o PSOE, que foi o partido que promoveu no seu día este estudo ecolóxico. 

O aínda alcalde de Ferrol, Sr Rey Varela, para o único que se acordou da candidatura da nosa cidade a Patrimonio da Humanidade, foi cando patrocinou o Racing de Ferrol con 229.500 euros, por lucir o anagrama na súa camiseta. 

Non coidan o noso patrimonio histórico, non realizan mantemento dos espazos públicos da nosa cidade, pero proxectan obras millonarias e sen sentido